2 il əvvəl Nikola Tesla aeroportunda son qalan pullarımı dəyişəndə Nikola Teslaya həsr olunan 100 Dinarı dəyişməyib, özümdə saxlamışdım. 100 Serbiya dinarı təxminən 1 dollara bərabərdir. Dinar sözü adətən ərəblərdə istifadə olunur. Bir çox ərəb ölkəsinin pul vahidinin adıdır. Əslində isə kök olaraq dinarius sözü Latın mənşəlidir. Qədim Romada 10-luq (den) gümüş pulu bildirirdi. Sonra ərəblərdə qızıl pulu bildirmək üçün istifadə olunub, Qərb dillərində isə zamanla istifadə olunmamağa başlayıb. Serbiyada isə hər necəsə bu söz istifadə olunur. Bu arada Azərbaycan pul vahidinin adı olan ‘manat’ da latın dilindən keçmə sözdür. Azərbaycanda da elm və təhsil mövzusuna həsr edilən (50 manatlıq) əsginas var.

Nikola Tesla aeroportundan yola düşərkən ona həsr olunan tək bu pulla kifayətlənməmişdim. Belqradda olduğum müddətdə Nikola Tesla muzeyini də ziyarət etmək fürsətim oldu və xatirə dəftərində Azərbaycandan xatirə qalacaq şəkildə gördüyünüz bu qısa yazını da yazmışdım.