Tural Qaraqaşlı

İnsanlar öz işlərini planlaşdırmaq və zamanlarını ölçmək üçün tarixboyu bir çox təqvimlərdən istifadə ediblər. Bu təqvimlərin bir çoxunun başlanğıc tarixi əsasən müxtəlif dini inanclara və ya mifologiyaya əsaslanıb. Bu da təqvimlərin insanlar arasında min illərlə istifadəsinə səbəb olan möhkəm təməl olub. İnsanların birgə fəaliyyətinə əsas yaradan ortaq meyarlar onları cəmiyyət kimi formalaşdırıb və daha da irəliyə aparıb. Yahudi, xristian, müsəlman, buddist, zərdüşt və s. hər bir dinin ardıcıllarının əsaslandığı öz təqvimləri var. Daha az istifadə olunan amma hələ də qalan yüzlərlə başqa təqvim də var. ...